Associazion Diamo Peso al Benessere ODV
Vie Pozzuolo 330, Udin 33100
+39 340 2891151
diamopesobenessere@gmail.com
diamopesoalbenessere@pec.it
Vie Pozzuolo 330, Udin 33100
diamopesoalbenessere@pec.it
La Associazion e nas tal 2004 dentri dal Dipartiment di Salût Mentâl e e à chescj obietîfs:
Favorî un gnûf contat cu la Persone che e à problemis di pês e di obesitât
Difondi la culture de Salût svilupant une otiche positive viers de vite in mût di favorî, inte Persone, l'otigniment di une cualitât di vite sane e biele
Promovi moments di confront e di studi par incressi lis competencis e la eficacie de Persone intes sôs sieltis e tai compuartaments di vite.
Sburtâ la cressite e il disvilup di un Empowerment community, cussient dal leam strent che al è tra il benstâ individuâl e chel coletîf.
I nestris servizis
• Sportel di scolte telefoniche: o din acet ae tô domande di aiût
• Grups Self-empowerment oriented: o pierdìn pês insiemi in grups vuidâts di un espert
• Grups di mantigniment dal pês
: o consolidìn la pierdite di pês in grups vuidâts di un espert di Self-empowerment
• Colocuis individuâi
: o rinfuarcìn il to percors di cambiament
Colaborazion cu lis aministrazions comunâls par sperimentâ une gnove modalitât di impostazion tal frontâ lis problematichis relativis ae obesitât, lavorant su lis risorsis midiant di percors di Self-empowerment.
• Progjet “Academie de Persone” midiant di struments dal Self-empowerment, al vûl fâ emerzi lis risorsis e i talents primaris propriis, proponint un gnûf concet di benstâ e une gnove modalitât par vivi la proprie salût
• Sede di tirocini formatîf
• Ativazion di convenzions cu la Universitât dai Studis di Triest e cu la Universitât dal Friûl
• Difusion dal savê
• Ricercje sientifiche
• Progjet cubie e relazions pussibilis in colaborazion cuntun professionist des dinamichis relazionâls (dot. Massimo Schneider) al ven proponût un seminari pes cubiis che a àn testemoneât dificoltâts plui grandis.
• Progjet “Respîr e Moviment” e Progjet “Autonomie”
apontaments setemanâi cun professioniscj di respîr e di moviment cussient.
• Adesion aes campagnis di prevenzion promovudis des aziendis sanitariis regjonâls.
La nestre Scuadre e je formade di esperts che a lavorin cul sportel di scolte e cu la segretarie de Associazion. La formazion intal Self-empowerment che a àn ducj i operadôrs e garantìs percors di Salût e di cambiaments gnûfs.
Dal 2004 a vuê o vin judât plui di 2000 Personis e lavorât cun lôr in 73 grups di Self-empowerment a Udin, Gurize, Palme, Cormons, Tisane, Sant Zorç di Noiâr, Martignà, Osôf, Paluce e Codroip.
O soi rivade infin a dî di no cuant che une situazion no mi plaseve. Cun grande fadie o ai capît che nol è masse tart par cjalâmi intal spieli, par pierdi pês, par cambiâ e deventâ la protagoniste de mê vite
Ognidun dentri dal gno grup al è rivât a un risultât, cui che al è smagrît di plui, cui di mancul, ma in ducj nô si è inlidrisade la cussience di podê rivâi. Al è biel viodi cemût che i miei cambiaments a maravein lis personis che mi son cjaris, in famee, fra i amîs, al lavôr. Podêlu viodi confrontantsi ogni setemane intal grup al rint lizere la fadie
O ai cjatât il stimul par tornâ a partî, o ai començât a sumiâ, a desiderâ e a ricognossi lis mês emozions. La mê cussience e je cressude, a 65 agns o ai sierât une storie che e durave di 40 agns, vuê mi sint vive e buine di fâ gnovis sieltis. La associazion mi à acetade e mi acompagne ancjemò intes mês dificoltâts ufrintmi ocasions di cressite cuntune rêt di brâfs professioniscj
O soi cambiade, o ai pierdût pês, o stoi miôr, mi fâs rispietâ, o soi contente, o sai dî di no, no me cjapi plui tant par…, mi sint plui biele, o ai mancul pôre, mi sint plui sigure, o fâs progjets pal avignî cul gno lavôr gnûf di imprenditore!
FUR 
IT